MAADHIMISHO ya siku ya UKIMWI Duniani kitaifa kufanyika Ruvuma

Imewekwa kuanzia tarehe: November 10th, 2024

Ofisi ya Mkuu wa Mkoa wa Ruvuma ikishirikiana na wadau wa sekta ya afya inawakaribisha wananchi wote wa Mkoa wa Ruvuma na mikoa jirani katika maadhimisho ya Siku ya UKIMWI duniani ambayo kitaifa yatafanyika mkoani Ruvuma katika Uwanja wa Majimaji kuanzia  Novemba 24,2024 na kilele chake ni Desemba Mosi mwaka huu..

Katika wiki ya maadhimisho hayo, Ofisi ya Mganga Mkuu wa Mkoa kwa kushirikiana na wadau wa afya itatoa huduma mbalimbali za afya ikiwemo;

Huduma za ushauri nasaha na upimaji wa hiari wa Virusi vya UKIMWI, Uchangiaji wa Damu Salama,Kupima Kisukari na Shinikizo la Juu la Damu,Chanjo ya Homa ya ini na Kutoa elimu na msaada wa masuala ya Ukatili wa Kijinsia na Watoto

Mgeni Rasmi katika  kilele  cha maadhimisho hayo anatarajiwa kuwa Makamu wa Rais wa Jamhuri ya Muungano wa Tanzania  Dkt. Philip Isdor Mpango.

Kauli mbiu ya maadhimisho ya mwaka huu ni "Chagua Njia Sahihi Tokomeza UKIMWI". Shime wana Ruvuma, jambo hili ni letu sote, tujitokeze na tushiriki kikamilifu.