MANISPAA ya Songea watakiwa kusimamia utekelezaji wa miradi ya maendeleo

Imewekwa kuanzia tarehe: March 1st, 2024

Katibu Tawala Msaidizi  Uchumi na Uwekezaji Mkoa wa Ruvuma Jeremiah Sendoro  amewataka wataalamu Manispaa ya Songea kuhakikisha wanendelea  kufuatilia na kusimamia kwa weledi miradi yote inayoendelea kujengwa ili iweze kukamilika kwa wakati.

Miongongoni mwa miradi iliyotembelewa na timu ya wataalamu kutoka Sekretarieti ya MKoa  wa Ruvuma ni pamoja na ujenzi wa madarasa saba katika  Sekondari ya Mdandamo inayojengwa kwa gharama ya Mil. 170.5, ukamilishaji wa Hospitali ya Manispaa ya Songea  inayojengwa kwa gharama ya mil. 800 fedha kutoka Serikali kuu.

Miradi mingine  ni ujenzi wa madarasa manne  na matundu 10 ya vyoo Sekondari ya Msamala  inayojengwa kwa  Mil. 115.5, ukamilishaji wa matundu ya vyoo Shule ya Msingi Shikizi Mkuzo inayojengwa kwa Mil. 10 fedha za mapato ya ndani, Ujenzi wa madarasa nane shule ya Sekondari Siri inayojengwa kwa Mil. 192 na ujenzi wa madarasa 10 shule ya Sekondari Londoni inayojengwa kwa Mil. 242.5 .