MKOA wa Ruvuma waweka mikakati ya kuendeleza Sekta ya Uvuvi

Imewekwa kuanzia tarehe: October 19th, 2022

MKOA wa Ruvuma umeweka mikakati ya kuendeleza sekta ya uvuvi wa Samaki  ili kuhakikisha Zao hilo linakidhi mahitaji ya wananchi.

Akizungumza afisa Uvuvi Mkoa wa Ruvuma Amuli Bazil ofisini kwake  amesema mikakati hiyo ikiwemo kuhimiza matumizi ya zana bora za uvuvi ikiwa ni pamoja na kutoa elimu ambapo hadi kufikia Septemba 2022, zaidi ya wavuvi 5,380 na wafugaji 4,159 na wadau 279 wamefundishwa njia za uvuvi wa Samaki  na utunzaji wa mazingira.

Bazil amesema njia bora ya kuendelea uvuvi wa samaki ikiwa ni pamoja na ujenzi wa miundombinu ya uvuvi  hasa mialo (Land stations), na katika mwaka huu wa fedha 2022/2023 Wizara ya Mifugo  na Uvuvi.

“Elimu endelevu ya uanzishaji wa vikundi vya ulinzi na usimamizi wa rasilimali za uvuvi (BMUs) katika mwambao wa Ziwa Nyasa”.

Hata hivyo amesema wamejipanga kuhimiza uanzishaji wa  uzalishaji wa vifaranga bora vya samaki,ufugaji wa samaki  kwa kutumia vizimba (cage) katika ziwa na  mabwawa ya asili  ili kupata mavuno mengi ya samaki  yatakayofaa kwaajili ya viwanda.

Amesema mkakati wa kukijenga kituo cha maendeleo ya ufugaji samaki Ruhila  ili kiweze kuzalisha vifaranga bora na vya kutosha,kwa sasa kituo kinauwezo wa kuzalisha vifaranga 1,000,000 kwa mwaka ukilinganisha na mahitaji 3,000,000 kwa mwaka.

“Halmashauri iwe na kituo cha kuzalisha vifaranga bora vya samaki ambapo vituo hivyo vitafanyika kama shamba darasa “.

Amesema Ujenzi wa Soko la samaki Mbamba bay  Wilaya ya Nyasa upo katika hatua za mwisho ili liweze kutumika  pamoja na ujenzi wa boti 6 za kisasa za Halmashauri  bado unaendelea.

Imeandaliwa na Aneth Ndonde

Kutoka kitengo cha Mawasiliano Serikalini Ofisi ya Mkuu wa Mkoa wa Ruvuma

Octoba 19,2022.