Jamuhuri ya Muungano wa Tanzania Ofisi ya Rais Tawala za Mikoa na Serikali za Mitaa Mkoa wa Ruvuma

RC RUVUMA aagiza Bibi aliyemuunga mkono Rais apewe maji bure na cheti

Imewekwa kuanzia tarehe: October 11th, 2022

Mkuu wa Mkoa wa Ruvuma Kanali Laban Thomas ameuagiza uongozi Wilaya ya Nyasa na RUWASA kuhakikisha Bibi Maria Ngairo Mkazi wa Mwerampya Kata ya Lituhi Wilaya ya Nyasa ambaye ametoa bure eneo la kujenga shule ya msingi na eneo la kujenga mradi mkubwa wa maji apewe maji ya bomba bure na kutunukiwa cheti.

Kanali Thomas ametoa agizo hilo wakati anazungumza mara baada ya kukagua mradi wa maji katika kijiji cha Mwerampya Lituhi ambao Rais Samia Suluhu Hassan ametoa shilingi bilioni 6.5 kutekeleza mradi huo unaotarajia kukamilika Aprili 2023.