RC RUVUMA aipongeza sekondari ya Jenista Mhagama

Imewekwa kuanzia tarehe: January 30th, 2025

Mkuu wa Mkoa wa Ruvuma, Kanali Ahmed Abbas Ahmed, ameipongeza Shule ya Sekondari ya Jenista Mhagama kwa usimamizi mzuri wa miradi ya shule na utunzaji wa mazingira.

Amewataka viongozi wa shule hiyo kukamilisha miradi iliyobaki, ikiwemo ujenzi wa bwalo la chakula kwa wanafunzi, kuongeza kiwango cha ufaulu, na kupanda miti ya matunda ili wanafunzi wanufaike nayo.

Akiwasilisha taarifa kwa Mkuu wa Mkoa, Mkuu wa shule hiyo, Mwalimu Felista Luambano, ameishukuru serikali chini ya Rais Dkt. Samia Suluhu Hassan kwa kuendelea kuboresha sekta ya elimu.

Luambano amesema shule hiyo imepokea ufadhili wa shilingi 417,000,000 kutoka kampuni ya Barrick. Kati ya fedha hizo,kati ya fedha hizo shilingi . 17,000,000 zimetengwa kwa ajili ya ujenzi wa vyoo 10, shilingi 144,000,000 kwa ajili ya ujenzi wa vyumba  sita vya madarasa, na shilingi 256,000,000 kwa ajili ya ujenzi wa mabweni mawili.

Shule ya Sekondari ya Jenista Mhagama ilisajiliwa tarehe 3 Novemba 2021 kwa namba ya usajili S.5634. Inapokea wanafunzi wa kutwa kwa kidato cha kwanza hadi cha nne, na wanafunzi wa bweni wa kike kwa kidato cha tano na sita katika tahasusi za CBG, PCB, na PCM.