WALIMU Namtumbo washauriwa kuongeza bidii katika ufundishaji

Imewekwa kuanzia tarehe: August 11th, 2024

Maafisa Elimu Msingi kutoka Wilaya ya Namtumbo  mkoani Ruvuma wametembelea Shule sita za Msingi ambazo ni;- Mdwema, Utwango, Libobi, Suluti, Kanjele, na Nambalama zilizopo katika Wilaya ya Namtumbo ili kujua hali ya Wanafunzi katika Masomo na mwenendo wa walimu katika Ufundishaji.

Mwalimu Rhoda Mbilinyi  ni Afisa Elimu Taaluma Msingi Wilaya ya Namtumbo ametoa wito kwa Walimu kuongeza jitihada kwenye  ufundishaji makini wa Mada pia kusaidia wanafunzi  katika kutatua changamoto zao na kuhakikisha wanafunzi  wanajua kusoma  na kuandika ili kuinua taaluma na elimu bora Katika Wilaya ya Namtumbo na Taifa kwa Ujumla.