BILIONI 43 zinavyotekeleza miradi ya TARURA Ruvuma

Imewekwa kuanzia tarehe: April 1st, 2023

Barabara mpya inayounganisha vijiji mbalimbali na mji wa Tunduru ikiwa ni jitihada za wakala wa Barabara za vijijini na mijini Tarura kuufikisha mawasiliano katika maeneo yote.

WAKALA wa Barabara za vijijini na mijini(TARURA)mkoa wa Ruvuma,katika kipindi cha miaka miwili ya Serikali ya awamu ya sita ya Rais Dkt Samia Suluhu Hassan,umepokea jumla ya Sh. bilioni 43,924,114,171.33 kwa ajili ya matengenezo na ukarabati  wa barabara.

Hayo yamesemwa na Meneja wa Tarura mkoani Ruvuma Wahabu Nyamzungu,wakati akitoa taarifa ya  utekelezaji wa miundombinu ya Barabara zinazosimamiwa na Tarura katika kipindi cha miaka miwili ofisini kwake mjini Songea.

Nyamzungu alisema, fedha hizo zimeiwezesha Tarura kufanya matengenezo  ya barabara kwa kiwango cha changarawe urefu wa kilomita 482.132,ujenzi wa barabara za lami  kilomita 25.053,ujenzi wa madaraja 40 na ujenzi wa mifereji mita 3,400.