BILIONI moja kutatua changamoto za miundombinu Songea

Imewekwa kuanzia tarehe: May 23rd, 2021

Halmashauri ya Manispaa ya Songea imepokea fedha shilingi bilioni  moja kutoka kwa Mheshimiwa Mbunge jimbo la Songea Mjini kwa ajili ya kuboresha miundombinu ya elimu na afya katika Manispaa ya Songea.

Hayo yamebainishwa na Mstahiki Meya Manispaa ya Songea Michael Mbano wakati akiongoza kikao cha baraza la Madiwani kilichofanyika katika ukumbi wa Manispaa ya Songea leo tarehe 21 Mei 2021, na Kuhudhuriwa na Mheshimiwa Mbunge  wa jimbo la  Songea Mjini Dr. Damas Ndumbaro Waziri wa Maliasili na Utalii pamoja na viongozi na wananchi  mbalimbali  Manispaa ya Songea.

Mbano akitoa shukurani hizo kwa Mbunge wa jimbo la Songea Mjini ambapo alisema “Fedha hizo zitasaidia  kupunguza baadhi ya  changamoto  zinazowakabili  wananchi  hususani  miundombinu ya shule pamoja na  vituo vya afya.

Amewataka Waheshimiwa Madiwani kusimamia vizuri fedha hizo na kuhakikisha zinatumika katika kuleta maendeleo kwa wananchi hasa katika Nyanja za elimu na afya katika maeneo yao. ‘Alisisita’

Alisema Manispaa ya Songea imeweka  mpango  mkakati  wa kuhamisha soko la mazao Sodeco na kupelekwa  eneo la Msamala ambapo hadi sasa Soko hilo linafanyiwa  marekebisho ambayo yamefikia asilimia 70% na baada ya kukamilika hatua zote za ujenzi  litaanza kutumika.

Naye Mh. Mbunge wa Jimbo la  Songea Mjini Dr.  Damas Ndumbaro amewasisitiza Waheshimiwa Madiwani kusimamia na kutekeleza Ilani ya Chama cha Mapinduzi  ili kuleta maendeleo katika Manispaa ya Songea na kuhakikisha wanasikiliza na kutatua kero mbalimbali za wananchi  zinazowakabili katika maeneo yao.