BILIONI SITA kutekeleza mradi wa umwagiliaji Tunduru

Imewekwa kuanzia tarehe: July 18th, 2024

 Serikali kupitia Tume ya Taifa ya Umwagiliaji imeidhinisha kuanza kwa mradi mkubwa wa umwagiliaji katika Kijiji cha Nambarapi, Kata ya Masonya, Wilaya ya Tunduru mkoani Ruvuma

.Mkandarasi aliyepewa dhamana ya kutekeleza mradi huu anatarajia kuanza kazi tarehe 29.07.2024,  na mradi unatarajiwa kukamilika ndani ya miezi 18.

Makabidhiano ya mradi huu wenye thamani ya shilingi bilioni 6,314,477,066.00 baina ya Tume ya Taifa ya umwagiliaji  na  Mkandarasi yamefanyika kwa sherehe za hadhara katika kijiji cha Nambarapi, AMBAZO  zimehudhuriwa na Mkuu wa Wilaya ya Tunduru Mhe. Simon Chacha.

Katika hotuba yake  Chacha ameeleza  umuhimu wa mradi huu katika kukuza uchumi wa wilaya na kuboresha maisha ya wananchi na kumtaka  Mkandarasi aliyekabidhiwa mradi huu kutekeleza mradi  kwa muda uliopangwa  na kuzingatia  ubora.

“Mradi huu ni ushahidi wa dhamira ya Serikali ya kuwekeza katika sekta ya kilimo na kuboresha maisha ya wananchi '',alisisitiza Mkuu wa Wilaya.