Bilioni tano kutekeleza miradi ya maji Tunduru

Imewekwa kuanzia tarehe: February 13th, 2024

Meneja wa RUWASA Wilaya ya Tunduru mkoani Ruvuma Mhandisi Maua Mgallah  amesema katika mwaka wa fedha 2023/2024 wamepanga kutumiza zaidi ya Sh.bilioni 5.47 kwa ajili ya kutekeleza miradi  sita mipya ya maji.

Mgallah ametaja  baadhi ya miradi  hiyo ambayo imeanza kutekelezwa ni mradi wa maji Tuwemacho utakaogharimu  zaidi ya shilingi bilioni moja  na mradi wa maji Msinji unaotekelezwa kwa  zaidi ya shilingi bilioni moja.

Miradi mingine ni Hulia unaotekelezwa kwa Sh.bilioni 1,2,mradi wa maji Namwinyu wenye thamani ya Sh.milioni 450 na mradi wa maji Nakapanya ambao umetengewa  jumla ya Sh.milioni 150.

Hata hivyo amesema ,miradi hiyo ipo katika hatua mbalimbali za utekelezaji  na itakapokamilika itaongeza upatikanaji wa huduma ya maji kwa asilimia 7.2 hivyo kufikisha asilimia 89.8 katika maeneo ya vijijini.