CHANGAMOTO za mawasiliano Madaba kumalizwa

Imewekwa kuanzia tarehe: August 17th, 2024

Naibu Waziri wa Habari,Mawasiliano na Teknolojia ya Habari Mhandisi Maryprisca Mahundi amesema serikali inatarajia kujenga minara mitano katika Halmashauri  ya Madaba wilayani Songea mkoani Ruvuma ili kuboresha Mawasiliano ya simu na intaneti hivyo kumaliza changamoto za mawasiliano kwenye Halmashauri hiyo.

Mhandisi Mahundi ametoa ahadi hiyo wakati anazungumza kwa nyakati tofauti na wananchi wa Kata za Wino,Matetereka,Mkongotema na Gumbiro katika Halmashauri ya Madaba akiwa katika ziara ya kikazi iliyolenga kusikiliza kero na changamoto za Mawasiliano ya simu,interneti  na redio kutoka kwa wananchi ili kutafutia ufumbuzi wa kudumu na wananchi waweze kunufaika na Mawasiliano ya kidijitali.