Jamuhuri ya Muungano wa Tanzania Ofisi ya Rais Tawala za Mikoa na Serikali za Mitaa Mkoa wa Ruvuma

DC NYASA ashiriki uzinduzi mradi Jamii Shirikishi

Imewekwa kuanzia tarehe: February 19th, 2025

Mkuu wa Wilaya ya Nyasa, Mhe. Peres Magiri, ameshiriki uzinduzi wa Mradi wa Jamii Shirikishi Katika Uzalendo na Ulinzi utakaotekelezwa na Shirika Lisilo la Kiserikali la Global Peace Foundation chini ya ufadhili wa Serikali ya Uholanzi. Uzinduzi huo umefanyika tarehe 18 Februari 2025.

Mradi huu wa mwaka mmoja utatekelezwa katika Wilaya ya Nachingwea, mkoani Lindi, na Wilaya ya Nyasa, mkoani Ruvuma.

Hafla hiyo imefanyika katika Hoteli ya Sea View Resort, mjini Lindi, na kuhudhuriwa na Balozi wa Uholanzi nchini Tanzania, Mhe. Wiebe de Boer pamoja na wadau wengine wa maendeleo.