DED NAMTUMBO aishukuru serikali kwa bilioni nne za sekondari ya Samia

Imewekwa kuanzia tarehe: October 21st, 2023

Mkurugenzi Mtendaji wa Halmashauri ya wilaya ya Namtumbo mkoani Ruvuma  Chiriku Chilumba ameipongeza Serikali ya Awamu ya Sita ya Dkt Samia Suluhu Hassan Kwa kuleta fedha kiasi cha shilingi bilioni nne  kutekeleza   ujenzi wa sekondari ya wasichana Mkoa wa Ruvuma iliyopewa jina la Dkt Samia Suluhu Hassan iliyojengwa wilaya ya eneo ;a Migelegele wilayani  Namtumbo. 

Chilumba amesema  ofisi yake inasimamia miradi yote ukiwemo mradi wa sekondari ya Mkoa wa Ruvuma ya wasichana   ili  mradi huo  itekelezwe Kwa kiwango kinachostahili na sio vinginevyo alisema Chilumba.

 Naye Afisa Elimu Sekondari  wa Halmashauri ya Wilaya ya Namtumbo  Michael  Lyambilo alisema  Shule hiyo Kwa mara ya kwanza  imefunguliwa mwaka huu  na kupangiwa  na Serikali kupokea wanafunzi 249 na walioripoti na kuendelea na masomo ni wanafunzi 200

Hata hivyo Lyambilo amesema  shule hiyo ina miundombinu mizuri kiasi ambacho kinarahishia wanafunzi wa shule hiyo kuwa na mazingira mazuri ya kupata elimu alisema Lyambilo.