HALMASHAURI ya Mbinga kujenga hosteli ya hospitali

Imewekwa kuanzia tarehe: January 17th, 2025

Halmashauri ya Wilaya ya Mbinga mkoani Ruvuma imekuja na mkakati wa ujenzi wa hosteli  katika Hospitali ya Halmashauri ya Wilaya ya Mbinga ambayo itatoa huduma kwa wananchi  ambao wamewaleta ndugu zao kuja kupata huduma za afya  katika hospitali hiyo.

Utekelezaji huo ni chanzo cha mapato ya ndani ya  Halmashauri utaondoa adha kwa wananchi ambao wanalazimika kutafuta malazi maeneo mbalimbali ambayo yapo mbali na  hospitali hiyo.

Mkakati huo umebainishwa  na Mkurugenzi Mtendaji wa Halmashauri ya Wilaya ya Mbinga Joseph Kashushura katika ziara yake ya kutembelea Hospitali hiyo kukagua utoaji wa huduma  za afya pamoja na ujenzi wa wodi tatu unaoendelea kutekelezwa.