IBUGE Akabidhi ofisi rasmi

Imewekwa kuanzia tarehe: August 6th, 2022

ALIYE kuwa Mkuu wa Mkoa wa Ruvuma Meja Jenerali Wilbert Ibuge amemkabidhi ofisi Mkuu wa Mkoa wa Ruvuma Kanali Laban Thomas leo.

Makabidhiano hayo yamefanyika katika Ofisi ya Mkuu wa Mkoa wa Ruvuma Ibuge amempongeza Mkuu wa Mkoa  kwa kuteuliwa na Rais na kumshukuru kwa kumpa ushirikiano kipindi alipokuwa Mkuu wa Wilaya ya Nyasa.

“Nakushukuru sana kwa kunipa ushirikiano katika utendaji kazi kwa viongozi wote pamoja na watumishi wote wa Mkoa wa Ruvuma naomba muendelee hivyo nakufanya vizuri”.

Ibuge amesema uwepo wake Ruvuma kwa mda wa mwaka mmoja na miezi miwili na siku 14 alizotumika Ruvuma amejifunza vingi pamoja na kushuhudia maendeleo  makubwa yaliyoletwa na Rais pamoja na kusimamia Miradi.

Kwa upande wake Mkuu wa Mkoa wa Ruvuma Kanali Laban Thomas ameahidi kutoa ushirikiano kwa wananchi wa Ruvuma katika utendaji kazi.

“Nitumie fursa hii  kuwa nitaanzia pale ambapo Ibuge ameishia sitakuwa na mapya zaidi ya kusimamia maendeleo ya Ruvuma”.

Hata hivyo Mkuu wa Mkoa amesisitiza wananchi na watanzania kujiandaa kuhesabiwa Sensa ya watu na Makazi ifikapo Agosti 23,2022.

Imeandaliwa na Aneth Ndonde

Kutoka Kitengo cha Mawasiliano Serikalini Ofisi ya Mkuu wa Mkoa wa Ruvuma

Agosti 6,2022.