Jamuhuri ya Muungano wa Tanzania Ofisi ya Rais Tawala za Mikoa na Serikali za Mitaa Mkoa wa Ruvuma

NGORO ufumbuzi wa kilimo endelevu

Imewekwa kuanzia tarehe: July 4th, 2025

Katika zama ambazo dunia inapambana na mabadiliko ya tabianchi, mmomonyoko wa udongo na ukame, Wamatengo walishamaliza mjadala huo karne tatu zilizopita.

“Tangu tumeanza kutumia Ngoro, hatujawahi kuhama mashamba. Tunavuna kila mwaka, tunatunza ardhi yetu,” anasema Mzee John Mbunda (80), mkazi wa Kilanga Juu.

Utafiti wa wataalamu kama Bike (1938), Stenhouse (1994), na Temu na Bisanda (1966) wote unathibitisha: Ngoro si hadithi ni teknolojia halisi ya asili inayofanya kazi hadi leo.