KATIBU Tawala Songea atoa maagizo mazito kwa watendaji kuhusu wanafunzi kupata chakula shuleni

Imewekwa kuanzia tarehe: May 10th, 2024

Katibu Tawala wa Wilaya ya Songea  Mtela Mwampamba, amewaagiza watendaji wa Kata na Wakuu wa Shule wote kuhakikisha  kila Mzazi anachangia gharama za chakula ili kumhakikishia mtoto kupata chakula .

Mwampamba ameyasema hayo katika kikao cha Kamati ya Lishe kilichofanyika katika ukumbi wa Makao makuu ya Halmashauri ya Wilaya ya Songea yaliyopo Lundusi Songea.

Kikao hicho ambacho huratibiwa na Divisheni ya Afya, kimeshirikisha watendaji wa kata zote 16 za Halmashauri ya Wilaya ya Songea.

Katibu Tawala huyo amewaagiza watendaji wa Kata na Kijiji kuhakikisha wazazi wote wanachanga chakula kwa ajili ya Watoto wao.

Amesisitiza elimu ya lishe bora na ulaji iendelee kutolewa kwa jamii kupitia Mikutano yote ya Hadhara, Makongamano, Semina na Mashuleni pamoja na  kupitia vyombo vya Habari.