KAYA 1498 Ruvuma kufanyiwa sensa ya kilimo,mifugo na uvuvi

Imewekwa kuanzia tarehe: September 2nd, 2020

Kaya 1498 zimechaguliwa Mkoani Ruvuma  kwa ajili ya Sensa ya kilimo,Uvuvi,na Ufugaji ambayo inafanyika kwa  siku 60 kuanzia Agosti 5 hadi Oktoba 3 mwaka huu.

Hayo yamesemwa  na Kaimu Katibu Tawala wa Mkoa wa Ruvuma  Seligius Ngai wakati anazungumza baada ya  kukagua zoezi la sense hiyo katika kijiji cha Mbingamhalule wilayani Songea.

Ngai amesema zinahitaji Takwimu rasmi  zinazopatikana kupitia mazoezi kama hayo zinazowezesha kujua kwenye changamoto mbalimbali katika sekta za kilimo,mifugo na uvuvi.

“Serikali inatakiwa kupata Takwimu sahihi inapoandaa mipango yake katika sekta isiwe na takwimu za kufikilika bali iwe na takwimu rasmi kupitia sheria ya 2015 inatoa majukumu kwa wadau wanao hojiwa,na waandishi wa habari na vyombo vyao’’,alisema.

Meneja wa Takwimu Mkoa wa Ruvuma Mwantumu Uhenga amesema zoezi hilo kinafanyika katika Halmashauri zote nane za Mkoa wa Ruvuma na kwamba hii ni mara ya tano kufanyika sensa ya kilimo,mifugo na uvuvi ambayo kwa mara ya kwanza ilifanyika ,mwaka 1974.

Uhenga amesema kutakuwa na madodoso matatu  ambayo ni dodoso la wakulima wadogo,wakulima wakubwa na dodoso la jamii.

 Afisa mahusiano ofisi ya Taifa ya Takwimu Said Ameir amesema sensa ya kilimo,Uvuvi,na Ufugaji  inafanyika ili kutekeleza  maendeleo ya nchi yetu ili kupata takwimu sahihi na mipango sahihi na kwamba matokeo ya sensa hiyo ni muhimu  kwa mwananchi .

Imeandaliwa na Aneth Ndonde

Ofisi ya Habari Mkoa 

31 Agosti 2020.