KUMEKUCHA Ruhila Zoo simba wawili kuchochea utalii Songea

Imewekwa kuanzia tarehe: April 6th, 2023

SERIKALI kupitia Mamlaka ya Usimamizi wa Wanyamapori Tanzania (TAWA) chini ya Wizara ya Maliasili na Utalii  imeleta simba wawili majike katika bustani ya wanyamapori  Ruhila Manispaa ya Songea

Antony Masebe ni Kamanda wa  Kituo Kidogo cha Kanda Kusini Mashariki amesema simba hao wamechukuliwa katika hifadhi moja mkoani Arusha

Ametoa rai kwa wananchi wa Manispaa ya Songea na Mkoa wa Ruvuma kwa ujumla kuhakikisha katika kipindi hiki cha kuelekea Sikukuu ya Pasaka wakiwa na familia zao wanafika kufanya utalii wa ndani katika bustani ya Ruhila iliyopo kilometa saba tu kutoka katikati ya mji wa Songea

Amekitaja kiingilio katika bustani hiyo kuwa ni shilingi 2,360 kwa mtu  wa kuanzia umri wa miaka 18,chini ya miaka 17 ni shilingi 1180 na  kwa Watoto chini ya miaka mitano wanaingia bure.Bustani ya asili ya Ruhila ilianzishwa mwaka 1973