MAAFISA Ugani Tunduru wapatiwa mafunzo kuongeza uzalishaji wa korosho

Imewekwa kuanzia tarehe: January 17th, 2025

Vijana, maafisa ugani  50 wameanza kupatiwa mafunzo ya siku tano ya kuwajengea uwezo katika kukuza uzalishaji wa zao la korosho Wilayani Tunduru mkoani Ruvuma

Mafunzo hayo yanayoratibiwa na Bodi ya Korosho Tanzania (CBT), Kupitia Mpango wa Jenga kesho iliyo bora (BBT), uliopo wizara ya Kilimo, yanalenga kuwajengea vijana hawa uwezo wa vitendo ili waweze kumsaidia Mkulima wa zao la Korosho kuongeza tija katika uzalishaji wa zao hilo.

Maafisa Ugani hao ni sehemu ya Maafisa Ugani na kilimo 500 katika mpango jenga kesho iliyo bora (BBT), Uliopo Wizara ya Kilimo, ambao wamesambazwa katika Mikoa ya Mtwara,Lindi,Ruvuma na Pwani.

Akizungumza katika ufunguzi wa mafunzo hayo, Ndg. Milongo Sanga Katibu Tawala Wilaya ya Tunduru, amewasisitiza vijana hao kutimiza majukumu yao kwa dhati ili kuhakikisha lengo la Taifa  la kufikia uzalishaji wa zao la Korosho tani 700,000 ifikapo mwaka 2025/2026 na tani 1,000,000 ifikapo 2029/2030.