MADABA watoa elimu ya lishe kwa vijana 365 na wazee 137

Imewekwa kuanzia tarehe: February 7th, 2024

HALMASHAURI ya Wilaya ya Madaba  wilayani Songea mkoani Ruvuma wamefanya kikao cha tathimini ya Mkataba wa Lishe cha robo ya pili kwa mwaka wa fedha 2023/2024.

Akitoa taarifa ya mafanikio ya utekelezaji wa mpango wa Lishe kwa kipindi cha robo ya pili Afisa Lishe Jovenary Ndelagi amesema wamefanikiwa kufanya tathimini  na kutoa elimu ya lishe na mtindo bora wa maisha kwa vijana rika balehe 365 katika shule  tatu za Msingi na shule mbili  za Sekondari.

Amesema wamefanikiwa kutoa elimu ya lishe kwa wazee 137 katika maadhimisho ya wiki ya wazee Duniani Oktoba  Mosi 2023, katika ,Kata ya Lituta,pamoja na usambazaji wa matone ya vitamini A katika vituo 21 vya  kutolea huduma ya afya kwa watoto wenye umri wa miezi 6 hadi 59.

Ndelagi amesema wamefanikiwa kutoa elimu ya lishe kwa vikundi vya wanawake vitano juu ya ulaji na mtindo bora wa maisha katika vijiji 3 Madaba,Lituta na Kipingo.

“Katika  kipindi hicho tumefanikiwa  kutoa elimu kwa wanaume 354 juu ya ushiriki wa wanaume katika matunzo ya wanawake wajawazito,wanaonyonyesha na watoto chini ya miaka mitano katika kijiji cha Ngadinda,Ifinga na Mbangamawe”

Hata hivyo ameitaja mikakati waliyojiwekea ili waweze kuboresha na kuifikia jamii kwa uwigo mpana zaidi ikiwa Halmashauri imetenga fedha kupitia mapato ya ndani kwa mwaka wa fedha 2024/2025 ili kufanya mafunzo rejea ya kuwajengea uwezo wahudumu wa afya ngazi ya jamii.

Kwa upande wake Mkuu wa Wilaya ya Songea Mheshimiwa Kapenjama Ndile amewaagiza watendaji Kata kutoa elimu katika siku maalumu za lishe kwa kubadilishana Kata ili kutilia mkazo katika Jamii suala la Lishe..

Ndile ameagiza kuboresha lishe kwa watoto  kuanzia chekechea hadi Sekondari  ambapo amesisitiza elimu ya Kujitegemea ipewe kipaumbele  hasa kila shule kuanzisha bustani ya mboga