MADABA yapongezwa kwa kutenga bajeti ya lishe

Imewekwa kuanzia tarehe: October 27th, 2023

HALMASHAURI ya Wilaya ya Madaba  Kitaifa imeshika nafasi ya 4 katika zoezi la afua za Lishe kwa kutenga fedha kwa kila mtoto kwa shilingi elfu nne kwa miaka miwili mfululizo.

Hayo amesema Mkuu wa Wilaya ya Songea Wilman Ndile katika Kikao cha Liche cha robo ya kwanza 2023/2024 kilichofanyika katika ukumbi wa Ofisi ya Mkurugenzi  na kuhudhuliwa na wajumbe mbalimbali.

“Kitaifa Halmashauri ya Wilaya ya Madaba imefanya vizuri kwa usimamizi wa Fedha na kufikia kutoa  kwa kila mtoto shilingi elfu 4,000/= hii ni hatua muhimu sana kama alivyoagiza Mh. Rais Samia”

Ndile amempongeza Mkurugenzi wa Halmashauri hiyo Sajidu Idrisa Mohamed kwa  kuzingatia na kuvuka malengo ya Serikali  ambapo imeagiza kila mtoto atengewe  kiasi cha shilingi 1,000/=  na kufikia shilingi 4,000/=.

Ndile amewaagiza watendaji Kata kuhamasisha wananchi kufanya mazoezi ya viungo ili kuimarisha Afya zao na kuepukana na Magonjwa na uzito uliokithiri.