MADIWANI Mbinga wapongezwa

Imewekwa kuanzia tarehe: February 6th, 2024

Mwenyekiti wa Chama cha Mapinduzi (CCM) Wilaya ya Mbinga Ndg. Joseph Mdaka amewapongeza madiwani wa Wilaya ya Mbinga kwa  kusimamia utekelezaji wa shughuli za maendeleo  zinazofanywa na Serikali  katika maeneo yao.

Pongezi hizo zimetolewa  katika maadhimisho ya miaka 47 ya  chama cha mapinduzi  yaliyofanyika Kiwilaya katika Kata ya Maguu Halmashauri ya Wilaya ya Mbinga.

“ Niwapongeze sana madiwani wote wa Wilaya ya Mbinga mnafanya kazi kubwa  na inaonekana,  endeleni kushirikiana na wataalam  katika kuwaletea wananchi maendeleo” Amebainisha  Mdaka

Aidha Mdaka  amewataka wazazi na walezi  kuwapeleka watoto shule ili waweze kupata elimu, amebainisha kuwa Serikali inaendelea kuimarisha  miundombinu ya elimu ili boresha mazingira ya ujifunzaji na ufundishaji.

Kwa upande wake Mkuu wa Wilaya ya Mbinga Mhe. Aziza Mangosongo amewataka wananchi wa Wilaya ya Mbinga kuhakikisha wanaimarisha amani  katika maeneo  yao hasa katika kipindi tarajiwa cha uchaguzi wa Serikali za Mitaa.

“ Amani ni msingi wa kuleta maendeleo katika nchi yetu sehemu yoyote isiyo na amani haina maendeleo, tuilinde amani yetu”Amesisitiza Mangosongo