Jamuhuri ya Muungano wa Tanzania Ofisi ya Rais Tawala za Mikoa na Serikali za Mitaa Mkoa wa Ruvuma

MANISPAA ya Songea yapongezwa kwa kutozalisha madeni

Imewekwa kuanzia tarehe: August 2nd, 2024

HALMASHAURI ya Manispaa ya Songea mkoani Ruvuma imepongezwa kwa kutozalisha madeni mapya kutoka kwa wazabuni na wadau mbalimbali.

Pongezi hizo zimetolewa na Mstaihiki Meya wa Manispaa ya Songea Mheshimiwa Michael Mbano wakati anazungumza kwenye mkutano wa Baraza la madiwani la Manispaa hiyo ambapo ameitaka Halmashauri hiyo kuendelea kuwa safi bila ya kuwa na madeni mapya.

Mbano pia amewataka Maafisa watendaji wa Kata wahakikishe wanasimamia utekelezaji wa zoezi la usafi wa mazingira sambamba na usafishaji maeneo yote ambayo yalilimwa mahindi wahakikishe yanaondolewa.