MANSIPAA ya Songea kuongeza ukusanyaji mapato kufikia bilioni 15

Imewekwa kuanzia tarehe: April 12th, 2024

Halmashauri ya Manispaa ya Songea mkoani Ruvuma kupitia Baraza  la Madiwani wameweka mikakati madhubuti  ya kuboresha ukusanyaji wa mapato ya  ndani  kwa lengo la kuongeza mapato kutoka  shilingi bilioni sita hadi bilioni 15 kupitia vyanzo vyake mbalimbali vya Halmashauri hiyo.

Katika kutekeleza mikakati hiyo Madiwani, viongozi wa CCM Mkoa na Wilaya,  pamoja na wataalamu wamefanya ziara ya kutembelea Halmashauri ya Chalinze mkoani Pwani na  Halmashauri ya Tanga Jiji mkoani Tanga kwa lengo la kwenda kujifunza namna ya uendeshaji wa miradi ya kimkakati  na ukusanyaji wa mapato ya madini ya ujenzi.