MBUNGE wa Nyasa awafunda wenyeviti wapya wa serikali

Imewekwa kuanzia tarehe: December 19th, 2024

Mbunge wa Jimbo la Nyasa Mhandisi Stella Manyanya amewataka wenyeviti wa vijiji,vitongoji na mitaa kuhakikisha wanashirikiana na wananchi kusimamia miradi ya maendeleo inayoendelea kutekelezwa na serikali ya Awamu ya Sita inayoongozwa na Rais Dkt.Samia Suluhu Hassan.

 Manyanya ameyasema hayo  wakati akizungumza na wenyeviti hao katika Ukumbi wa ofisi ya Mkurugenzi Mtendaji wilaya ya Nyasa  kwenye Ukumbi wa shule ya Sekondari Tingi.

Amefafanua kuwa Viongozi hao wanatakiwa kuwashirikisha Wananchi kushiriki kikamilifu  katika maendeleo yao, na kwamba maendeleo yanaanza na sehemu ya kutolea maamuzi ambayo ni Ofisi za vijiji na Vitongoji,.

Ametoa wito Kwa Viongozi hao kuanza Mara Moja mikakati ya ujenzi wa Ofisi za vijiji.pia amewapongeza Kwa kuchaguliwa Kwao na kuwataka kuchapa kazi Kwa bidii Kwa kuwa Wananchi wanahitaji maendeleo.