MCHEZO mpya Ruvuma wakabidhiwa vifaa

Imewekwa kuanzia tarehe: August 25th, 2020

Katibu Mkuu  wa chama cha Mchezo wa Baseball na Softball  Association Tanzania Alpherio Nchimbi amekabidhi vifaa vya mchezo huo kwa Kaimu afisa Michezo wa Mkoa wa Ruvuma Anzawe Chaula.

Makabidhiano hayo ya vifaa vya michezo  ya wanafunzi wa shule za sekondari  yalifanyika jana katika ofisi ya sekisheni ya Elimu Mkoa wa Ruvuma.

Nchimbi amesema vifaa vilivyotolewa ni kwa ajili ya kujikita katika mashindano ya UMISETA ikifuatiwa na agizo la Waziri Mkuu Kassim Majaliwa alipokuwa mgeni rasmi wakati  anafungua uwanja wa Taifa wa baseball  katika uwanja wa Azania sekondari Dar es salaam Desemba 2018.

“Chama cha michezo cha Baseball ni chama cha kwanza kumiliki uwanja wake juhudi hizo zimesababisha  Serikali ya Japan kuamua kutufadhili”.alisema Nchimbi

Amesema Kwa Mikoani mchezo huo unachezwa katika viwanja vya kawaida ambavyo wataalamu wameweka vipimo katika viwanja hivyo.

Hata hivyo amesema Kutokana na Juhudi za mkoa wa Ruvuma watashauriana na kamati kuu kumpata mchezaji mmoja wa kuwakilisha mchezo wa softball kwenda kuwakilisha nchi ya Tanzania 2021

Nchimbi amesema Tanzania ni miongoni mwa nchi sita Duniani  zilizobahatika kupata nafasi ya kupeleka timu  kabla ya olimpic ya mwaka 2020 na kuhairishwa hadi mwaka  2021 kutokana na ugonjwa wa Corona.

Kaimu Afisa Elimu Mkoa wa Ruvuma Anzawe Chaula amesema Mkoa wa Ruvuma ni mkoa wenye vipaji vingi  lakini  macho ya wengi yanaangalia kwenye soka tu hali iliyosababisha hadi  kuhangaika na timu ya Majimaji kuipandisha daraja.

Chaula amesma mkoa wa Ruvuma ni mkoa wanne  nchini kuwa  chama cha mchezo wa baseball na softball ambacho kimesajiliwa na ni kitu kipya hivyo amesahauri  uwekezaji mzuri kufanyika  kwa kuwa  mchezaji mmoja kutoka Ruvuma anawakilisha Nchi ya Tanzania.

Imeendaliwa na Aneth Ndonde

Ofisi ya Habari Mkoa wa Ruvuma

Tarehe 25 Agosti