MKOA wa Ruvuma watengewa zaidi ya shilingi bilioni 6 kwaajili ya ukamilishaji wa Miradi ya Maji

Imewekwa kuanzia tarehe: February 1st, 2022

MKUU wa Mkoa wa Ruvuma Brigedia Jenerali Wilbert Ibuge amedhamiria kuona  huduma ya maji safi na salama inaendelea kuimarishwa na kuwafikia wakazi asilimia  85 wa vijijini na mjini 95 .

Ibuge amesema  kuwa wananchi wanaoishi maeneo ya vijijini wanaopata huduma ya maji safi na salama wanakadiriwa kuwa 833,361 ni sawa na asilimia 62.

Mkoa kupitia ofisi za RUWASA umeingia mkataba na local mafundi kwaajili ya kutekeleza miradi hiyo kwa kutumia Force Akaunti miradi inayoendelea na ukarabati.

Aidha, miradi mipya 20 ambayo inatarajia kuhudumia vijiji 52 ipo kwenye hatua za ununuzi wa wakandarasi kupitia mfumo wa ununuzi wa serikali TANePs.

Ibuge ameeleza mpango wa utekelezaji  miradi ya Maji Vijijini lipa kwa matokeo  awamu ya tatu  ambapo kwa mwaka wa fedha 2019/2020 kiasi cha shilingi Zaidi ya bilioni 1 kimepokelewa kwaajili ya ukarabati na upanuzi wa miradi 29.

Hata hivyo amesema utekelezaji wa mpango wa bajeti ya mwaka 2021/2022 Mkoa wa Ruvuma kupitia ofisi ya Wakala wa Maji na usafi wa Mazingira Vijijini (RUWASA) mpaka octoba 2021 imepokea Fedha kiasi cha Zaidi ya shilingi bilioni sita kwaajili ya kukamilisha  miradi 21 inayoendelea.

“Mpango wa wa Bajeti ya mwaka 2021/2022  Mkoa kupitia ofisi ya RUWASA Mkoa umetengewa  jumla ya Zaidi ya shilingi bilioni 13”.

Imeandaliwa na Bahati Nyoni

Kutoka ofisi ya Habari ya Mkuu wa Mkoa wa Ruvuma

Januari,31 2022