MKUU wa Mkoa wa Ruvuma mgeni rasmi ibada ya kitaifa ya Ijumaa Kuu

Imewekwa kuanzia tarehe: April 7th, 2023

MKUU wa Mkoa wa  Ruvuma Kanali Laban Thomas atakuwa mgeni rasmi katika Ibada ya Kitaifa ya Ijumaa Kuu  ambayo kitaifa  inafanyika  leo Ijumaa Kuu Aprili 7,2023 kuanza saa 8.30 mchana katika Kanisa la Upendo wa Kristo Masihi  la KIUMA wilayani Tunduru mkoani Ruvuma.

Hata hivyo katika Ibada hiyo Mkuu wa Wilaya ya Tunduru Wakili Julius Mtatiro atamwakilisha Mkuu wa Mkoa wa Ruvuma Kanali Laban Thomas .

Kanali Thomas anawatakia wakristo na wananchi wote  wa Mkoa wa Ruvuma Ibada njema  ya Ijumaa Kuu inayofanyika ulimwenguni kote.

Mwenyekiti wa Jumuiya ya Kikristo Tanzania (CCT) Mkoa wa Ruvuma Askofu Raphael Haule amesema,Ibada ya Ijumaa Kuu kitaifa itakuwa mubashara kupitia TBC kutoka kanisa la Upendo wa Kristo Masihi KIUMA wilayani Tunduru.