MRADI zahanati ya Mbangamawe Madaba wakamilika kwa asilimia 100

Imewekwa kuanzia tarehe: June 13th, 2023

Mkuu wa Wilaya ya Songea mkoani Ruvuma Mheshimiwa  Kapenjama Ndile ametembelea na kukagua mradi wa ujenzi wa  Zahanai ya Kijiji cha Mbangamawe  Kata ya Gumbiro  katika Halmashauri ya Madaba ambayo imejengwa   kwa Shilingi Milioni 110 .

Mganga Mkuu wa Zahanati hiyo Oddo Mapunda  amesema  katika ujenzi huo  walipokea fedha za ujenzi kutoka Serikali kuu awamu ya kwanza Milioni 50, awamu ya pili Milioni 50 na nguvu za wananchi Milioni 10.

Mkurugenzi Mtendaji wa Halmashauri ya Madaba  Sajidu Idrisa Mohamed  amesema bajeti ya mwaka mpya wa Fedha 2023/2024 itaboresha huduma katika Zahanati hiyo kwa kuongeza huduma ya vipimo na Dawa  hali ambayo itasababisha zahanati hiyo kutoa  huduma ya kiwango cha kituo cha Afya.

 Zahanati hiyo imekamilika kwa asilimia 100 na  kuanza kutoa huduma kwa wananchi.