MRADI wa lishe kwa watoto wa kike kuanza Ruvuma Oktoba mwaka huu

Imewekwa kuanzia tarehe: August 17th, 2020

MENEJA wa sikauti wa kike wa Lishe Tanzania David Mbamila amesema mradi wa lishe kwa watoto wa kike mkoani Ruvuma unatarajia kuanza hivi karibuni.

Mbamila amelitaja lengo la mradi huo ni kufanya mafunzo  kwa walimu wa mkoa wa Ruvuma  ili kutekeleza elimu ya  lishe kwa watoto wa kike kuanzia miaka sita hadi 18.

Mbamila amesema mradi huo utaanza kutekelezwa kuanzia mwezi Oktoba na Novemba 2020 kwa kutumia shule na walimu kwa lengo la kutoa elimu ya lishe kwa mtoto wa kike  ambaye anakabiliwa na changamoto ya kupoteza damu nyingi wakati wa hedhi katika mzunguko wa kila mwezi.

Katibu wa Chama cha Maskauti wa Kike Taifa (Girl Guides association Tanzania) Bupe Minga ametoa mafunzo ya lishe bora kwa walimu wa shule za Sekondari na Msingi wa Mkoa wa Ruvuma.

Akizungumza katika mafunzo hayo yaliyofanyika katika  ukumbi wa sekondari ya Songea Girls,Minga amesema chama hicho cha maskauti wa kike Tanzania kimefungua matawi katika mikoa 23 ikiwemo Ruvuma.

Amesema kupitia mafunzo hayo kamati ya uongozi Taifa Inatarajia kutoa uhamasishaji  kwa skauti wa kike kufahamu lishe bora kwa mtoto wa kike.

Amesema Mkoa wa Ruvuma ambao unaoongoza kwa uzalishaji wa chakula nchini  utavuma katika uelekeo wa sikauti kwa mtoto wa kike kupata chakula bora kupitia  mfumo wa sikauti kwa mtoto wa kike

Mgeni rasmi katika mafunzo hayo Afisa Elimu Mkoa wa Ruvuma Emmanuel Kisongo  amewaagiza walimu hao kuhakikisha kuwa kila shule iwe na sikauti ya wasichana(Girl Guides) kwa sababu watoto wa kike ni lulu katika jamii.

“Watoto wa kike wamebeba moyo mkubwa kuleta ukombozi na amani  dunia wakati wote  na mpambanaji mkubwa ndio maana  Serikali inamtumia  hata usalama wa nchi unategemea girl Guides hawawezi kusaliti nchi”,alisisitiza.

Kisongo amesema Walimu wanayokazi ya kuhakikisha wanafunzi  wanajitambua na kuhakikisha  wanakuwa salama kiafya  hata katika Lishe bora na kielimu kwa .sababu mtoto wa kike ni ukombozi na matokeo salama.

Kamishna wa masikauti wa kike mkoa wa Ruvuma  Stella Sangu, amesema  amefarijika katika elimu ya Lishe kwa mtoto wa kike ambapo amesisitiza kuwa ukimuelimisha mtoto wa kike umeelimisha jamii nzima.

Imeandaliwa na Aneth ndonde

Ofisi ya habari mkoa wa Ruvuma 

17 August 2020