NAIBU Waziri wa Nishati agawa mitungi 850 ya gesi Mbinga

Imewekwa kuanzia tarehe: July 25th, 2024

Naibu Waziri wa Nishati Mheshimiwa Judith Kapinga kwa kushirikiana na Kampuni ya Gesi ya Oryx Tanzania  amegawa jumla ya  majiko ya mitungi ya gesi 850 yenye thamani ya shilingi milioni 76  kwa wananchi wa Wilaya ya Mbinga, Mkoa wa Ruvuma.

Ugawaji wa mitungi hiyo yenye unalenga kuunga mkono jitihada za Rais wa Jamhuri ya Muungano wa Tanzania  Dkt. Samia Suluhu Hassan za kuhamasisha matumizi ya nishati safi ya kupikia.

Kupitia Mkakati wa Taifa wa matumizi ya Nishati Safi ya Kupikia (2024-2034), Serikali imedhamiria kuongeza kaya za watanzania zinazotumia nishati safi ya kupikia kutoka asilimia 10 ya sasa mpaka kufikia asilimia 80 ifikapo mwaka 2034.

Naibu Waziri wa Nishati Mheshimiwa Judith Kapinga amesema mpaka sasa Serikali kupitia Wakala wa Nishati Vijijini (REA), imesambaza mitungi ya gesi ya ruzuku 83,500 yenye thamani ya Shilingi bilioni 3.5 bilioni.

Hata hivyo Naibu Waziri amesema  katika mwaka huu wa fedha serikali imepanga kutoa mitungi ya gesi 452,445 yenye thamani ya Shilingi bilioni 10.