PATO la Mkoa wa Ruvuma laongezeka

Imewekwa kuanzia tarehe: September 4th, 2020

 Uchumi wa Mkoa hutegemea Kilimo ambapo zaidi ya asilimia 87 ya wakazi wake hupata riziki yao kupitia  sekta ya Kilimo  ambayo inachangia pato la Mkoa kwa asilimia 75. Mkuu wa Mkoa wa Ruvuma Christina Mndeme amesema Pato la Mkoa wa Ruvuma (Regional/Gross Domestic Product - GDP) limeongezeka kutoka Tshs. 3,680,359,000,000.00 mwaka 2015 hadi Tshs. 5,317,073,000,000.00 mwaka 2019.

Mndeme amesema ongezeko hilo ni  sawa na ongezeko la asilimia 44.47 na kwamba  pato la Taifa la mtu (Per Capital income) kwa mwaka 2015 lilikuwa Tshs. 2,505,569.00 na limeongezeka hadi Tshs. 3,288,256.00 mwaka 2019 ikiwa ni ongezeko la asilimia 31.23 

Mkuu wa Mkoa amesema hayo ni mafanikio makubwa yaliyofanywa na Rais  wa Jamhuri ya Muungano wa Tanzania Dkt.John Magufuli. Mkoa wa Ruvuma una wilaya Tano na Halmashauri nane.

Imeandikwa na Albano Midelo

Afisa Habari Mkoa wa Ruvuma

Septemba 4,2020