RAIS SAMIA alivyoboresha miundombinu Ruvuma

Imewekwa kuanzia tarehe: May 21st, 2024

Serikali ya Awamu ya Sita inayoongozwa na Rais Dkt.Samia Suluhu Hassan imeendelea  kuimarishaji miundombinu katika Mkoa wa Ruvuma

Mkuu wa Mkoa wa Ruvuma Kanali Ahmed Abbas Ahmed  ameitaja baadhi ya miundombinu hiyo kuwa ni Pamoja na  upanuzi na ukarabati wa Kiwanja cha Ndege  Songea kimekarabatiwa kwa gharama ya shilingi bilioni 37.

Miundombinu mingine ameitaja kuwa ni ujenzi wa soko katika kijiji cha Peramiho wilayani Songea unaendelea kwa gharama ya Zaidi ya  shilingi milioni  200.7 na ujenzi wa kituo cha mabasi katika kijiji cha Parangu unaendelea kwa gharama ya Zaidi ya  shilingi  miliobi 225.

Kulingana na Mkuu wa Mkoa wa Ruvuma Serikali pia imejenga Bandari kubwa na ya kisasa ya Ndumbi katika ziwa Nyasa kwa gharama ya bilioni 12.5 .

Amebainisha kuwa  Bandari hiyo ina gati lenye urefu mita 160 kwenda ziwani, urefu (jetty head) wa mita 20.4, ramp urefu wa kwenda Ziwani mita 40 urefu (Ramp head) mita 10, ghala la kuhidhi mizigo inayoathiriwa na mvua lenye mita za ukubwa 2,020, eneo lenye sakafu ngumu (heavy heavy yard) kwa ajili kuhifadhi mizigo isiyoathiriwa na mvua lenye ukubwa wa meta za mraba 9,030 na jengo la kupumzikia abiria na  ofisi na nyumba za watumishi.

Amesema serikali pia inatarajia kujenga  Bandari mpya ya kisasa ya Mbamba Bay kwa lengo la kuimarisha Ushoroba wa Maendeleo wa Mtwara (Mtwara Development Corridor), ambayo ni njia fupi na rahisi ya kuhudumia mzigo wa Malawi kutokea Bandari ya Mtwara.

Amesema bandari hiyo inaunganishwa kwa barabara hadi Bandari ya Mbamba Bay na kuunganisha hadi Bandari za Malawi kupitia majini.

Hata hivyo amesema  Ili kutekeleza mradi huo mkubwa, Serikali ya Awamu ya sita imetoa Zaidi ya shilingi bilioni 70 kwa ajili ya ujenzi wa Bandari kubwa na kisasa ya Mbamba Bay.