Jamuhuri ya Muungano wa Tanzania Ofisi ya Rais Tawala za Mikoa na Serikali za Mitaa Mkoa wa Ruvuma

RAIS Samia amwaga bilioni 11 kutekeleza miradi miwili ya maji Nyasa

Imewekwa kuanzia tarehe: October 10th, 2022

Mkuu wa Mkoa wa Ruvuma Kanali Laban Thomas amekagua miradi mikubwa miwili ya maji yenye thamani ya shilingi bilioni 11 katika Wilaya ya Nyasa mkoani Ruvuma.

Miradi hiyo inatekelezwa katika kata za Lituhi na Liuli ambapo jumla ya vijiji 11 katika kata hizo zitanufaika.

Kati ya fedha hizo kata ya Lituhi imetengewa shilingi bilioni 6.5 na Kata ya Liuli imetengewa shilingi bilioni 4.7

Miradi yote miwili inatarajia kukamilika Aprili 2023 .Kukamilika kwa miradi hii kutatua changamoto ya maji ambayo imekuwa kero kwa miaka mingi kwa wananchi wa mwambao mwa ziwa Nyasa.