RAIS Samia atoa bilioni 3.7 kujenga majengo 16 hospitali ya Madaba

Imewekwa kuanzia tarehe: July 5th, 2024

Rais wa Jamhuri ya Muungano wa Tanzania Dkt.Samia Suluhu Hassan ametoa zaidi ya shilingi bilioni 3.7 kujenga majengo 16 katika hospitali ya Halmashauri ya Madaba wilayani Songea mkoani Ruvuma.

Mganga Mfawidhi wa Hospitali hiyo Dr.Wambura Chacha amesema  hata hivyo hospitali hiyo inahitaji majengo 31 ambapo amesema  hospitali hiyo imeanza kutoa huduma mbalimbali kulingana na hatua ya ujenzi na vifaa tiba vilivyopo.

Amezitaja huduma ambazo zimeanza kutolewa katika hospitali hiyo  kuwa huduma za afya za wagonjwa wa nje, huduma ya kliniki ya mama,baba na mtoto na huduma ya dharura na kwamba wanasubiri vifaa kutoka serikali kuu ili hospitali hiyo iweze kuanza kutoa huduma za afya  zinazilingana na hadhi ya hospitali ya wilaya.