RAS RUVUMA akerwa na matokeo mabaya kidato cha nne Makita Mbinga

Imewekwa kuanzia tarehe: March 2nd, 2023

KATIBU Tawala Mkoa wa Ruvuma Ndugu Stephen Ndaki akiwa na Menejimenti Mkoa amefanya ziara ya kikazi ya kukagua mradi wa ujenzi wa madarasa mawili yaliyogharimu shilingi milioni 40 katika shule ya sekondari Makita iliyopo Halmashauri ya Mji wa Mbinga.

Hata hivyo taarifa ya taaluma ya sekondari hiyo katika matokeo ya kidato cha nne imemsikitisha Katibu Tawala huyo baada ya kuelezwa kuwa wanafunzi 85 kati ya wanafunzi 174  waliofanya mtihani wa kidato cha nne 2022 wamepata  daraja la nne na sifuri  ni zaidi ya nusu  ya darasa

kulingana na Baraza la Mitihani   matokeo ya kidato cha nne mwaka 2022 katika sekondari hiyo yanaonesha kuwa daraja la kwanza wapo 11,daraja la pili 33 daraja la nne 80 na sifuli watano 

Ndaki amewataka walimu wa shule hiyo ambao ni zaidi ya 47 kufundisha kwa bidii ili wanafunzi wengi waweze kufaulu mtihani wa kidato cha nne ambapo ametahadharisha kuwa katika mtihani wa mwaka huu hataki kusikia hali hiyo inajirudia tena vinginevyo atachukua hatua kali.

Katibu Tawala Mkoa wa Ruvuma akiwa na Timu ya Menejimenti Mkoa wa Ruvuma wapo katika ziara ya kukagua miradi mbalimbali inayotekelezwa katika Halmashauri za Mkoa wa Ruvuma