RC IBUGE aagiza ushirikishwaji wananchi na kufuata taratibu za kifedha kwenye miradi

Imewekwa kuanzia tarehe: July 16th, 2021

MKUU wa Mkoa wa Ruvuma Brigedia Jenerali Wilbert Ibuge amekagua ujenzi wa miradi ya maabara na huduma za afya inayotekelezwa katika Kata za Luchili,Mkongp gulioni na Ligera wilayani Namtumbo ambapo ameagiza wananchi kushirikishwa kikamilifu katika hatua zote za utekelezaji wa miradi hiyo.

Rc Ibuge pia ameagiza taraitibu zote za kifedha kuzingatiwa kwenye miradi hiyo  pamoja na kufuata miongozo ya serikali na kuhakikisha fedha zinatumika kulingana na thamani ya mradi. ambapo ameagiza usimamizi wa miradi  na kuunda kamati kulingana na mahitaji ya miongozo.

Katika ziara  hiyo Mkuu  wa Mkoa amekagua shule nne za sekondari kati ya saba ambazo serikali imetoa shilingi milioni 210 kwa ajili ya ujenzi wa maabara ambapo kila sekondari imepewa shilingi milioni 30.Sekondari zilizokaguliwa ni Luchili,Lukwimwa,Kimoro na Nahimba.

RC Ibuge pia amekagua ujenzi wa zahanati ya Misufini Kata ya Luchili ambayo seriikali imetoa shilingi milioni 50  pia amekagua mradi wa ujenzi wa vyoo katika kituo cha afya Mkongo gulioni unaogharimu shilingi milioni 35.

Tazama habari zaidi hapa https://www.youtube.com/watch?v=fkAGkSlpZ_k&t=88s