RUVUMA yashinda Tuzo nyingine

Imewekwa kuanzia tarehe: July 10th, 2024

Mkoa wa Ruvuma umeshinda Tuzo ya Mkoa unaoongoza kuwa na mazao Mengi zaidi Tanzania yanayouzwa kupitia mfumo wa stakabadhi ghalani.

Akizungumza wakati anamkabidhi Tuzo hiyo kwa  Katibu Tawala wa Mkoa wa Ruvuma,Mrajisi Msaidizi wa Vyama vya Ushirika Mkoa wa Ruvuma Peja Muhoja amesema Tuzo hiyo ya kitaifa imetolewa mjini Tabora kwenye maadhimisho ya siku ya Ushirika Duniani ambapo Tuzo mbalimbali zilitolewa

Naye Katibu Tawala wa Mkoa wa Ruvuma  Rehema Madenge akizungumza baada ya kupokea tuzo hiyo ofisini kwake mjini Songea,amewapongeza wakulima wa Mkoa wa Ruvuma  ambao wamekubali kuuza mazao yako kupitia mfumo wa stakabadhi ghalani ambapo amewashauri  wakulima wengine katika maeneo mbalimbali  kuhakikisha wanauza  mazao yao kupitia mfumo wa stakabadhi ghalani ,mfumo ambao ameutaja kuwa na manufaa makubwa kwa wakulima ikiwemo kuuza mazao kwa bei kubwa.