SEKRETARIETI Ruvuma yaagiza ujenzi wa kituo cha afya Homera kukamilika

Imewekwa kuanzia tarehe: May 10th, 2023

SEKRETARIETI ya Mkoa wa Ruvuma ikiongozwa na Katibu Tawala wa Mkoa wa Ruvuma Ndugu Stephen Ndaki imeuagiza uongozi wa Halmashauri ya Tunduru kuongeza kasi  katika usimamizi wa mradi wa Kituo cha Afya Homera kinachojengwa katika Kata ya Nakayaya mjini Tunduru kuhakiisha ujenzi wake unakamilika kwa asilimia 100.

Akizungumza mara baada ya kufanya  ukaguzi wa mradi huo ambao serikali imetoa shilingi milioni 400 kutekeleza mradi huo,Ndaki amesema mradi huo ni wa muda mrefu hivyo sasa unapaswa kumalizika na kuanza kutoa huduma kwa wananchi wa Kata ya Nakayaya na kwamba serikali imekwishatoa fedha zote za kutekeleza mradi huo