SERIKALI ya Awamu ya Sita ilivyoubeba ushirika Ruvuma

Imewekwa kuanzia tarehe: October 28th, 2024

Mkuu wa Mkoa wa Ruvuma Kanali, Ahmed Abbas Ahmed,amemshukuru na  kumpongeza Rais wa Jamhuri ya Muungano wa Tanzania Mhe. Dkt, Samia Suluhu Hassan, kwa jitihada kubwa za kuendeleza sekta ya Kilimo

Ametoa pongezi hizo  katika uzinduzi wa Minada ya Zao la korosho katika Mkoa wa Ruvuma, ambao ulifanyika Oktoba 22, 2024 katika Kata ya Nakapanya Wilaya ya Tunduru.

Kanali Abbas ameitaja moja ya Changamoto kubwa iliyokuwa inakabili wakulima ni ucheleshwaji wa malipo kwa wakulima jambo ambalo kwa msimu huu limedhibitiwa kwa malipo hayo kufanyika kupitia kituo kimoja cha Malipo

Kanali Abbas  ametoa rai kwa wakulima kuendelea kujifunza  kuongeza thamani ya zao la Korosho , kwa kuanzisha viwanda vya ubanguaji wa korosho.

Kwa upande wake Mwenyekiti wa Chama Kikuu cha Ushirika Tunduru (TAMCU LTD), Ndg. Mussa  Manjaule, amesema Serikali imefanya jitihada  za kuhakikisha wakulima wa zao la korosho wanapata bei  nzuri, pia imehakikisha inaleta viuatilifu kwa wakati ili kuweza kuongeza iuzalishaji wa zao hilo.

Sanjali na hilo, Manjaule ametoa wito kwa Wakulima kuzingatia kanuni na taratibu bora za uvunaji na utunzaji wa zao la korosho ili ziweze kuwa na thamani sokoni.