SERIKALI yatoa milioni 100 kujenga bweni la wanafunzi wenye ulemavu Namtumbo

Imewekwa kuanzia tarehe: November 10th, 2023

Wanafunzi  49 wenye ulemavu  wa shule ya Msingi na ufundi  Namtumbo Mkoani Ruvuma  watanufaika na    na mradi wa  bweni ambalo serikali imetoa shilingi milioni 100 Kwa ajili ya wanafunzi wa kitengo Cha elimu maalumu Shuleni hapo.

Mwalimu Mkuu wa shule ya msingi na ufundi Namtumbo  Mustapha  Ponera amesema shule yake ilipewa fedha milioni 100 kutoka Lanes  II Kwa ajili ya kujenga bweni la watoto wenye mahitaji maalumu Shuleni  hapo

Hata hivyo Ponera amesema ujenzi wa bweni Hilo lipo katika hatua za umaliziaji na mara ujenzi huo utakapo kamilika wanafunzi hao wenye mahitaji maalumu wataanza kulala katika bweni Hilo.

Kitengo Cha elimu maalumu katika shule ya msingi na ufundi Namtumbo  kina jumla ya walimu 4 kukiwa na walimu wa like 2 na wakiume 2 huku idadi ya wanafunzi ikiwa ni 49  wanafunzi wavulana 33 na wanafunzi wa kike 16 .

Shule ya msingi na ufundi Namtumbo IPO katika mamlaka ya mji mdogo wa Namtumbo Ina jumla ya wanafunzi 845 ambapo kati ya wanafunzi hao , wanafunzi 49 ni wanafunzi wa kitengo Cha elimu maalumu ambao wamejengewa bweni Hilo waweze kulala shuleni hapo.