SERIKALI yatoa shilingi milioni 161 kujenga madarasa mawili na nyumba ya mwalimu Nyasa

Imewekwa kuanzia tarehe: October 21st, 2023

Serikali imetoa shilingi milioni 161 kwa ajili ya kutekeleza Ujenzi wa madarasa  mawili ya Awali, na  Nyumba ya Walimu  yenye uwezo wa kuchukua familia mbili katika Shule ya Msingi Lumeme Wilaya ya Nyasa Mkoani Ruvuma.

Mkurugenzi Mtendaji wa Wilaya ya Nyasa Khalid Kharif amesema ujenzi huo upo katika hatua mbalimbali za ukamilishaji kwa upande wa vyumba vya madarasa mawili ya awali ya mfano umefikia asilimia 98,nyumba ya Walimu  asilimia 85  na madawati  60 yamekamilika.

“Wananchi wamehamasishwa na wameshiriki kufanya kazi za kukusanya mchanga, mawe kokoto na tofali kwa kazi zote ambazo wameshiriki kuzifanya zina thamani ya kiasi cha fedha zaidi ya Tshs. Milioni 4”, Amesema Kharif.

Hata hivyo, ameishukuru serikali ya Awamu ya sita inayoongozwa  na Dkt Samia Suluhu Hassani  kwa kuwaletea fedha za mradi huo.

Imeandikwa na Farida Baruti 

Kutoka Kitengo cha Mawasiliano Serikalini Ofisi ya Mkuu wa Mkoa wa Ruvuma