SILINDE ampongea RC Ibuge kwa Viwango vya Madarasa ya Uviko 19

Imewekwa kuanzia tarehe: December 18th, 2021

MKOA wa Ruvuma umetisha kwa Utekelezaji wa Miradi ya Mpango wa  Maendeleo kwa ustawi wa Jamii (COVID -19) na kufikia asilimia 96.

Hayo amesema Naibu Waziri wa Tamisemi David Silinde mara baada ya kukagua miradi hiyo na kuangalia viwango vya ujenzi amesema Ruvuma ipo mbele akilinganisha na Mikoa mingine.

’’Sina cha kusema nampongeza Mkuu wa Nkoa,Ma DC,Wabunge pamoja na watumishi wote kwa kusimamia vizuri Miradi ambayo hata Rais Samia amehimiza,nina waahidi kuwaletea miradi mingine’’.

Silinde amesema mwaka 2022 wanafunzi watakaoanza kidato cha kwanza madarasa na madawati yanawasubilia,imekuwa tofauti na miaka mingine wanafunzi walikuwa wanasubilia madarasa yajengwe kupitia nguvu za wananchi ili waanze masomo.

Afisa Elimu Taaluma Mkoa wa Ruvuma Juma Fulluge amesema ujenzi wa Miradi ambayo ni asilimia 80 ya Madarasa  yaliyojengwa yatasaidia kuondoa changamoto ya Wanafunzi kukosa kujiunga na Kidato cha Kwanza mwaka 2022.

Fulluge amesema Mkoa wa Ruvuma ulikuwa na asilimia 20 ya Madarasa na Upungufu ulikuwa asilimia 80 ambapo Serikali imejenga Madarasa 448 kupitia Mpango wa Maendeleo wa Taifa  na mapambano dhidi ya Uviko 19.

Amesema mwaka 2021 walifanya mtihani 39,614 na wamefaulu 29, 314 sawa na asilimia 74 na kutarajia kujiunga kidato cha kwanza  kwa wakati kupitia Madarasa yaliyojengwa na kuondoa upungufu wa Vyumba vya Madarasa.

,,Mkoa umepokea fedha  za Mpango wa Maendeleo kwa Ustawi  wa Jamii kiasi cha Shilingi Bilioni kumi laki tatu ishirini elfu kwaajili ya Vyumba vya madarasa 448’’.

Imeandaliwa na Aneth Ndonde

Kutoka Ofisi ya Mkoa wa Ruvuma

Desemba 17,2021