SONGEA tuna jambo letu leo viwanja vya Matarawe

Imewekwa kuanzia tarehe: March 10th, 2023

RAIS SAMIA ATOA BILIONI 145.7 KUJENGA MRADI MKUBWA WA MAJI SONGEA

SERIKALI inatarajia kuanza kutekeleza ujenzi wa mradi  wa maji wa miji 28  katika mji wa Songea mkoani Ruvuma unaogharimu shilingi bilioni 145.7.

Mkurugenzi Mtendaji wa Mamlaka ya Maji Safi na Usafi wa Mazingira Songea (SOUWASA) Mhandisi Patrick Kibasa amesema hafla ya utiaji saini  mkataba wa ujenzi wa mradi huo kati ya serikali na Mkandarasi unatarajia kufanyika Machi 10,2023 kwenye viwanja vya shule ya msingi Matarawe mjini Songea.

Amesema Mgeni rasmi kwenye hafla hiyo anatarajiwa kuwa Naibu Waziri wa Maji Mhandisi Marypriska Mahundi na kwamba Mkandarasi wa ujenzi wa mradi huo ni Kampuni ya China Civil Engineering Construction Corporation.

“Mkataba  wa ujenzi wa mradi huo ni wa miezi 32 kuanzia Machi 10,2023,kukamilika kwa ujenzi wa mradi wa maji wa miji 28 katika mji wa Songea kutaleta manufaa ikiwemo SOUWASA kuongeza uwezo wa kuzalisha maji kutoka lita milioni 11.58 kwa siku hadi kufikia lita milioni 42.581 kwa siku hivyo kuwa na uhakika wa kuwahudumia wananchi wapatao 440,794’’,alisisitiza Mhandisi Kibasa.