TAKUKURU kuwaleta wadau 300 pamoja kujadili huduma za TANESCO

Imewekwa kuanzia tarehe: May 14th, 2024

Taasisi ya Kuzuia na Kupambana na Rushwa (TAKUKURU) wilaya ya Mbinga, Mkoa wa Ruvuma imeandaa warsha itakayowaleta pamoja wadau  300 kujadili huduma zinazotolewa na Shirika la Umeme Tanzania (TANESCO).

Akizungumza  ofisini kwake, Mkuu wa TAKUKURU Wilaya ya Mbinga Frederick Msae amesema katika warsha hiyo, wananchi watapata fursa ya kuuliza maswali mbalimbali kuhusu TANESCO na kuelezea changamoto wanazokumbana nazo.

“Wakati wa warsha, wananchi watapata majawabu ya maswali watakayouliza na suluhu ya changamoto wanazokumbana nazo,” alisema.

Mgeni rasmi katika warsha hiyo itakayofanyika katika chuo cha Maendeleo ya Wananchi (FDC) kilichopo Halmashauri ya Mji wa Mbinga anatarajiwa kuwa Mkuu wa Wilaya ya Mbinga Mhe Kisare Matiku Makori.