TANI zaidi ya 4000 za korosho zauzwa Tunduru

Imewekwa kuanzia tarehe: November 14th, 2023

Wakulima wa korosho Wilayani Tunduru mkoani Ruvuma  wamekubali kuuza korosho zao   tani 4,017 katika mnada wa pili wa zao hilo.

Mnada huo ulifanyika katika kijiji cha Amani  chama cha ushirika cha msingi  CHAMANA (CHAMANA AMCOS), kupitia Mfumo wa Stakabadhi ghala, chini ya Chama kikuu cha Ushirika Tunduru TAMCU LTD.

Wananunuzi 18 walionesha nia ya kununua  Korosho  Tani 4,017 ambazo ziliingia sokoni katika mnada huu wa pili, wanunuzi watano walishinda kununua Korosho hizo zilizopo ghalani kwa bei ya shilingi 1,831 kwa kilo.

Akizungumza baada ya kutangaza bei hiyo ya zao la korosho Mwenyekiti wa Chama kikuu cha Ushirika TAMCU LTD   Ndg. Mussa Manjaule amewasihi wakulima kutotegemea  zao moja la kibiashara na kuwataka kulima kilimo cha mazao mchanganyiko, na kuviomba vyama vya msingi kulipa fedha za wakulima kwa wakati.