TUNDURU sio sehemu ya Wafugaji holela-DC Mtatiro

Imewekwa kuanzia tarehe: June 26th, 2023

Mkuu wa Wilaya ya Tunduru Mheshimiwa Julius Mtatiro amewakata Wafugaji ambao wanaingiza makundi ya mifugo bila kibali  kwenye maeneo ambayo hawajatengewa kwa shughuli za ufugaji kuacha mara moja

Hayo ameyasema katika kikao maalum cha baraza la madiwani cha kujadili hoja na mapendekezo ya Mdhibiti na Mkaguzi Mkuu wa Hesabu za Serikali (CAG), leo Juni 26,2023  ambacho kilimefanyika kwenye ukumbi wa SkyWay mjini Tunduru.

"Wafugaji wote waende kulisha kwenye vitalu ambavyo wametengewa na Halmashauri sisi kama Wilaya hatupo tayari kuona ufugaji huu holela ukiendelea katika Wilaya  Tunduru na tupo tayari kuwaondoa wafugaji wote  holela ambao awajafuata utaratibu mimi pamoja  uongozi wa Halmashauri tulishapanga maeneo kwa ajili ya wafugaji  hatupo hapa kuwaonea bali tunatekeleza Sheria "amesema Mtatiro.