VIJIJI 84 wilayani Nyasa vyafikiwa na umeme

Imewekwa kuanzia tarehe: July 25th, 2024

Naibu Waziri wa Nishati Mheshimiwa Judith Kapinga amezindua mradi wa umeme katika shule ya Sekondari ya Nyasa mjini Mbambabay wilayani Nyasa mkoani Ruvuma.

Akizungumza na wananchi wa wilaya ya Nyasa, katika Kata ya Chiwanda amesema amelazimika kufanya ziara mkoani Ruvuma, baada ya kuona Wilaya ya Nyasa na Mbinga miradi ya umeme  wa REA, haijakamilika katika  ngazi ya vijiji.

Amemuagiza Mkandarasi wa REA kukamilisha haraka miradi hiyo Ili  serikali ianze kutekeleza miradi ya umeme  katika ngazi ya  vitongoji.

Aidha amesema katika  Wilaya ya Nyasa huduma ya umeme tayari imefika katika vijiji 84.

Kwa upande wao wananchi wa wilaya ya Nyasa wameipongeza Serikali kwa kutatua changamoto ya Umeme katika Kata ya Chiwanda ambayo ipo mpakani mwa Nchi ya Tanzania na Msumbiji.