WALIMU mkoani Ruvuma washauriwa kutenga muda wa mazoezi

Imewekwa kuanzia tarehe: February 26th, 2024

Afisa Elimu Mkoa wa Ruvuma Mwl. Edith Mpinzile amewahimiza walimu kutenga muda kwa ajili ya kufanya mazoezi ili kuimarisha afya na utimamu wa akili kwa lengo la kuepuka msongo wa mawazo katika kutekeleza majukumu ya ufundishaji.

Mpinzile ametoa wito huo  wakati anafunga  bonanza la michezo kwa walimu wa Sekondari na Msingi ambalo liliwakutanisha walimu kutoka Halmshauri zote  nane za Mkoa wa Ruvuma,ambalo limefanyika  katika uwanja wa Chandamali mjini songea  

Mpinzile amesema  kushiriki michezo si kuimarisha afya pekee bali pia inasaidia  kujenga mahusiano  sehemu za katika kazi na kupata muda wa kujadili mambo mbalimbali ya kitaaluma

“Nipende kuwapongeza kwa kushiriki katika bonanza hili kwani sote tunafahamu kuwa michezo ni afya lakini mbali ya kufahamu hivyo niseme tu kuwa michezo inatuunganisha na kutuweka pamoja”  alisema Mpinzile.  

Katika ufungaji wa bonanza hilo  mgeni rasmi alikuwa  ni Mkuu wa Mkoa wa Ruvuma Kanali Laban Thomas ambaye aliwakilishwa na  Afisa Elimu Mkoa wa Ruvuma